အပုချေ
အပုချေ
ဒေအဖြူရောင်နုနုချေတခု
အချစ်မုန်တိုင်း အမျိုးမျိုးကြားမှာ
တချို့ကကြွီရွင့်ပနာ
တချို့က ရဲရင့်စွာ ဖူးပွင့်ဝီဆာကတ်တေ
ဒေယှင့်စွာ သဘာဝတရား
ဒေယှင့်စွာ အဓမ္မတရား ... ။
အပုချေရို့ အကြည့်တိ ရိုးသားရေ
အပုချေရို့ အပြုံးတိ ချစ်ဖို့ကောင်းရေ
အပုချေရို့ နှလုံးသားတိ ဖြူစင်ရေ
ယေကေလေ့သော့
အပုချေရို့ကို
ကာလ ဒေသ ပယောဂ မာရ်နတ်ရို့က
သူ့ရာသီနန့်သူ
ဝီးရာသို့
ထိုး ... အဝီးကြီးသို့
လီပြီညင်းတိနန့်တတူ
လီပွီရိုင်းတိနန့်တတူ
တပါတည်းခေါ်ဆောင်လားကတ်တေ ... ။
ဘဝဆိုစွာ ဖြစ်တည်မှုတခုရာ
အမြစ်တွယ်ရိုးရာတခု မဖြစ်ကေ ကောင်းဖို့
ခြွင်းချက်တခုအနီနန့်
တာဝန်သိပနာ တာဝန်ခံတတ်ဖို့တော့ခါလိုရေ ... ။
ဇာပင်ဖြစ်ဖြစ်
လောကကြီးက
လူသားတိုင်းအတွက် လီထုကို အလကားပီးထားစွာရာ
လီကောင်းလီသန့် ယှူပနာ
သျှိန်ဒိုင်ကကတ်
ပြိုင်းပေါက်ကတ်
လမ်းလျှောက်ကတ်ပါ ... ။ ။
No comments:
Post a Comment