အနုပညာကြယ်ဖြူတပွင့်
ပျိုရေ အိုရေ
ကြီးရေ ငယ်ရေ
ဒေပိုင် ဆန့်ကျင်ဖက် နှလုံးသားတိ
သူ့ရှိမှာ
အတူတူ ဒူးထောက်ခကတ်တေ ... ။
သူစွာ
နှလုံးသွီးတိကို
အီးစက်ခြွီဆင်းစီခရေ
တက်ကြွလန်းဆန်းစီခရေ
နုရွလှပ သာယာစီခရေ
ရက္ခိတ ဂီတဥယျာဉ်တခု
အနုပညာကြယ်ဖြူတပွင့် ... ။
လောကဓံတရား ရက်စက်
ခါးသီးရေဘဝကို
အယှုံးပီးဖို့ မိနီခရေ
ဂုတော့ခါ
သူစွာ
နှလုံးသားပြတိုက်ထဲက
ထိုး ...
အဝီးကြီးသို့ ...
မေတ္တာတရားတိကို ယူဆောင်လားခလီယာ ... ။ ။
No comments:
Post a Comment