နီဝင်ချိန်
နိတနိကို
ရိုးရိုးချေ အဓိပ္ပာယ်ဖွင့်ကေ
နီထွက်ခြင်းနန့် နိဒါန်းစပနာ
နီဝင်ခြင်းနန့် နိဂုံးချုပ် အဆုံးသတ်တေ ... ။
ရာသီဥတုကို လိုက်ပနာ
နီထွက်ချိန်
နီညှိုးချိန်
နီဝင်ချိန်ရို့ဧ့
အပူလှိုင်းအကတိစွာ
စိုင်းဒြားမင်းခွာချေတကောင်ပိုင်
ချင်ရေဆီ
နိမ့်လိုက် မြင့်လိုက် ... ။
နီဝင်ချိန်ကတော့ခါ
တခါတရီ
အပျိုမချေတယောက်ပိုင်
မာယာများရေ
တခါတရီ
မဆမတယောက်ပိုင်
ဗျာများရေ ... ။
ဇာပင်ဖြစ်ဖြစ်လေ
နောက်ဆုံး
ဆည်းဆာရောင်ချေသန်းပနာ
ပျောက်ကွယ်လားစွာက ပိုလှရေ ... ။ ။
No comments:
Post a Comment