အဖြူရောင်လမ်းက
ငါ့ကမ္ဘာမှာ
နီပူရေခါ
နင်မလာ
လပရေခါ နင်မလာ
ဇာဇာရောက်နီခီလေး
... ။
မာယာကိုသောက်သုံး
အယှုံးအမြတ်တန်ဖိုးကို
သိုက်ခြင်ခြင်ပနာ ကိုးကွယ်နီခီလား
... ။
အရိုးဆွီးရေ
လကွယ်ညည့်ကျမှ
နယ်လွန်နှလုံးအီးတန်းခါးကို
အသာအသာလာခေါက်
တဒေါက်ဒေါက်မြည်သံနန့်တတူ
နင် တောက်ပစွာ
ဒိတ်အောက်နီယာလို့
မပြောချင်
ယေကေလေ့
နောက်ဘဝမှာ
လာလည်ပါ ... ။
နင့်အတွက်
ငါ့အကြောက်တရားတိကို
အိမ်ဂြောက်မှာချိတ်ထားပနာ
အဖြူရောင်လမ်းထိပ်က
ဂေါင်းတညိတ်ညိတ်နန့်
ကြိုဆိုနီမေ ... ။
ခိုင်ထွီး
No comments:
Post a Comment