သုတေသီရို့ ဖွင့်ဆိုသော ဘဝမြတ်

ထိုမာတတိုင်ပျင်နီပုံက
ရွှီမောင်းတန်းကျင် ဝင်ကိုင်ဖို့ပိုင်
ဒယောကို နနောင်းကိုင်ပနာ
လောကျစ်ဖို့ကန်နီကတ်စွာ
အားပါကောင်းထမန်းထော။

 ဒေမာလေ့တတိုင်ပျင်နီပုံက
စကြာဝဠာမောင်ပြိုင်ပွဲမာ
လုံးဝအနိုင်ဆင်နွှဲကတ်ဖို့ပိုင်
အကျိတ်အခဲတိကို ဟန်တပြပြ
အမြင်ရကောင်းရေထော။

အပါးမာမှ သိဖို့စွာကမဟုတ်
လူ့ဘဝဇာတ်ထုပ်တိကို
အကွက်အသစ်အဆန်းတိလုပ်
တမျိုးမပြုတ်ခင် နောက်တမျိုး
မရိုးတမ်းတင်ဆက်ပြသ
 မြင်ရလူတိ ဘဝင်ကျစွာကို
ပြောပြဖို့တောင်မလို
 ကောင်းချီးသြဘာသံတိက
တဖြောင်းဖြောင်း တညံညံ
မြီလျှိုးမိုးပျံ ဝေဟင်ယံတရိုး
မိုးကြိုးသံတိပိုင် ကြားနီရယင့်။

အော်... ဘဝ ဘဝ
ဘဝတိထဲက ဘဝမြတ်ဆိုစွာ
အလှ နန့် အပ
ဖိချဆွဲတင် သူငင်ကိုယ်ငင်
တရှင်ရှင် တဝီဝီကျွီး
အတ္တတိ အထွီးအကျိုင်ပြတ်နန့်
ပရအရောင် ရွာသျှင်ပင်မာ ကပ်ပြ
 လောကဘဝဇာတ်စင်ထက်
ဂုဏ်ဟိန်စံချိန် တက်ယူဖို့
ပရံလူမပါရေ ဆန္ဒတိစီပနာ
တန်ဆာဆင်ဗျာလ် သီကုံး
မွီးဖွားခြင်းနန့် သီဆုံးခြင်းကြားက
အာဂသတ္တိပြည့်လျှံနီရေ
အခါသမယကောင်းလို့
သုတေသီအပေါင်းရို့ က
ဖွင့်ဆိုနီကတ်ဗျာလ်ထော။

ခိုင်ထွီး