အတ္တလောက
လောကမှာ
ဗုဒ္ဓသျှင်တော်မြတ်က
အတ္တာဟိ အတ္တနော နာထောလို့ ဟောခရေ ... ။
လောကမှာ
ကမ္ဘာ့ဂေါင်းဆောင်ကြီးတိက
မိမိလူမျိုး၊ မိမိနိုင်ငံကို ချစ်ဖို့ပြောကတ်တေ
... ။
လောကမှာ
မရိုးသားရေလူတိက
မရိုးသားခြင်းတိကို တွယ်တာမြတ်နိုးကတ်တေ
... ။
လောကမှာ
သူ့ရို့အတ္တတိအတွက်
ကောက်ရိုးပုံတိစွာ စာတီတိအဖြစ် အကွန်ဆောင်ကတ်တေ
... ။
လောကမှာ
သူ့ရို့အတ္တတိအတွက်
ဝင်္ကန္တသတ္တဝါတိစွာ ကရုဏာသတ္တဝါတိအဖြစ်
ကြော်ငြာကတ်တေ ... ။
လောကမှာ
သူ့ရို့အတ္တတိအတွက်
စစ်တလင်းမြီတိစွာ ငြိမ်းချမ်းရီးဌာနီတိအဖြစ်
သရုပ်ဆောင်ကတ်တေ .... ။
အို ... အသင်လောက
အသင်လေ့ အသင့်ကို အသင် မေတ္တာထားစွာ
ကမ္ဘာ့အံ့ဖွယ်အဆန်းတခုကား မဟုတ်ယေ ... ။ ။
No comments:
Post a Comment