၂၁-ရာစု ဗလာစာရွက်
ဒေစာရွက်စွာ
လူမြင်ကွင်းမှာတော့ခါ
ဖြူဖြူစင်စင် သန့်သန့်ယှင်းယှင်း ... ။
ဒေစာရွက်စွာ
အတိတ်နန့် သမိုင်းနန့်
သူ့စွာနန့် သူတော့ခါ ခန်းနားလို့ ... ။
ဒေစာရွက်ထဲက
လူတိ ငိုကျွီးသံပိုင် ကြားရေ
ပြီးကေ -
တိရစ္ဆာန်တိ ပြုံးရယ်သံပိုင်လေ့ ကြားရေ ... ။
အရာ -
ဒေစာရွက်ကို ၂၁-ရာစုမှာ
UNESCO စာရင်းဝင်ချင်သိရေဟန်
သူရို့ရိုးရာအတိုင်း
ရှိကိုလှန်ပြ နောက်ကိုလှန်ပြ ထော ... ။
အမှန်ဆိုကေ
ဒေစာရွက်ထက်မှာ
ရက်စွဲတပ်ဖို့ နီရာမပါ
စာရီးဖို့ မျဉ်းကြောင်းတိမပါ
အရာစွာကိုထားဖိ
ဘေးမျဉ်းချေတောင် တကြောင်းမပါ
အဂေါင့်နဂေါင့် ဗလာစာရွက်တရွက်ရာ ... ။ ။
ခိုင်ထွီး
No comments:
Post a Comment