ခေါ်သံတိကြားမှာ
ညီချေနှမချေရို့က
-
အားကိုးတကြီးနန့်
အစ်ကိုကြီးခေါ်ရေ ... ။
အမင်က -
သားအကြီးဆုံးကို
အပုချေလို့ခေါ်ရေ ... ။
အဘောင်သျှင်က
-
အချစ်မှာ
အနှစ်ထည့်ပနာ ကြောင်ချေလို့ခေါ်ရေ ... ။
သမီးချေက
-
မပီတပီ ဘာဘာလို့ခေါ်ရေ
... ။
နတ်သျှင်မေက
-
ငကုသလကို
အချစ်ခဲလို့ခေါ်ရေ ... ။
အရာလူတိကလေ့
တယောက်တမျိုး
အမျိုးမျိုး
အဖုံဖုံ ခေါ်ကတ်သိရေ ... ။
ယင်းခေါ်သံတိကြားမှာယေ
ကဗျာတပုဒ်
ကိုယ်လက်အင်္ဂါစုံလို့
ကိုယ်ရောင်ဖျောက်
အငွိပျံရသမြောက်နီလီယင့် ... ။
ဖြစ်ချင်စွာတိခမာ
ဖြစ်သင့်စွာတိပါးမှာ
အခါခါ လိုင်စင်းခံရကေလေ့
သတ္တဝါတခု
ကံတခုဆိုခါ
ကိုယ့်သံဝေဂတရားနန့် ကိုယ်
အရာရာ ပြောင့်ပြောင့်သားသားပါရာလို့
... ။ ။
ခိုင်ထွီး
No comments:
Post a Comment