အဖမြီအတွက် ရင်ချင်းဆက်
ငါ့ရုပ်က
ဆင်ဂေါင်းနန့် တူခါတူ
လခြမ်းနန့် အတိုင်းခံခါခံ
နံကိုင်းကိုင်း ကြိုင်းတွားနီရစွာ
ကမ္ဘာကြီးက အချစ်မညီလို့လား ... ။
ငါ့နာမ်က
ပရံလူ လက်ထဲမှာ အသက်တငင်ငင်
အမှား အမှန် သင်္ကေတတိ အရောရော
အကျွန် ရင်ပူပါရေ ဆိုယင့် ... ။
ငါ့ဖိုးဖီးပါးစဖျားက အသျှင်နာဂိန္ဒမော်ကွန်း
ငါ့အဖရင်ဖတ်နန်းထဲမှာ ဇာခါ ရှင်သန်လို့
ငါ့ဦးနှောက်လမ်းထက်မှာ ဇာခါ လားတတ်ဖို့လေး ... ။
လူ့ လိုအပ်ချက်အရ
အာဟာရဖြည့်ဖို့ လှုပ်ယှားလားလာနီကတ်တေ
ကိုယ်ခန္ဓာ ဦးနှောက် အသွီးအသားရို့
တလှည့်တခါ
တခါတလှည့်လောက်
အလုပ်လုပ်ဖို့ စားသောက်ယင်း
မညီညာရေ ရင်တွင်းသံစဉ် နု ရင့် ချို ဖန် ခါး ရို့
ခရီးတူ တေးတပုဒ်ဖြစ်လားဖို့ဆိုကေ
ငါ့ကိုငါ မိနီရေ ငါ
ငါ့ကိုငါ ရန်ရှာနီရေ ငါ
ငါ့ကိုငါ သိတတ်လို့
ငါ့ကိုငါလေ့ ချစ်တတ်လှာဖို့ ... ။
ခိုင်ထွီး
No comments:
Post a Comment