ခွဲစိတ်ခန်းထဲက
ရောဂါလက္ခဏာ အထူးအဆန်းနန့်
ကူဖော်မပါရေ လူနာတယောက်
တန်းခါးမခေါက်ပဲ ကြိုင်းညီးပနာ
ခွဲစိတ်ခန်းထဲသို့ ဝင်လားခရေ ... ။
ဆီးပီးသူ ခြောက်သံ
သူနာပြု ငေါက်သံ
ဆရာဝန် ဟောက်သံ
ဆောင့်သံ ဆူသံရို့ အပြန်အလှန်
ဖနောင့်တိုက်ယင်း ကြိုဆိုနီကတ်စွာ
အယ်(လ)နီနို ပူဆာစွာနန့် ဆိုင်ဖို့လား ... ။
လူနာတောင်အသက်မငင်ရသိ
ဖောင်ဒေးယှန်း၊ ပါးနီ၊ နှုတ်ခမ်းဆိုး၊ မာဆကားရာ
မိတ်က(ပ)တန်ဆာပလာ အစုံပါရေ လူတယောက်
သစ္စာပန်းအတုတစည်း ကိုင်ထားရေ လူတယောက်
အပြိုင်အဆိုင် မျက်စောင်းထိုးပနာ ထိုင်ခုံလုပွဲကျင်းပ ... ။
ဘုရားတရား မကယ်နှိုင်ရေ ဒေအရပ်မှာ
ကယ်တင်သျှင်၊ ဖန်ဆင်းသျှင်ရို့စကားတိကို နားဆင်ယင်း
လူနာမှာ မျက်ရည်ရွှမ်းရွှမ်းနန့် ... ။
ခိုင်ထွီး
No comments:
Post a Comment