ဂီတအာဟာရရို့နန့် တညဇာ
"ရက္ခိတ"
သံစဉ်အစသီကျူးလို့
ဈာန်ဝင်မြူးဖို့မရလိုက်
လီချွန်ပနာ ငင်ပစ်လိုက်ကတ်တေ ... ။
"ဝီးလို့ကျန်လိုက်မြို့စစ်တွေ"
အိန်ထရိုနိဒါန်း ပျိုးရေသိ
ရှိက တယောက်ပြီးကေ နောက်တယောက်
တဖြောက်ဖြောက် ထဆိုကတ်တေ ... ။
"ညီညွတ်ကတ်မေ"
လေးရပ်သား တေးသံပျိုကြား
ဒုက္ခိတမြို့တော်ဟောင်းက နှလုံးသားတစုံ
ရင်ခုန်သံပြင်းပြရေ မြစ်လေးစင်းအလယ်မှာ
စီးမျိုးခြင်း ခံလိုက်ရရေ ... ။
ဂန္ထဝင်မြောက် ဂီတ
အနုအလှ ရသ သံစဉ်ရို့နန့်တတူ
အိပ်မွန်းချ ချော့သိပ် ... ။
အိပ်မက်ကမ္ဘာထဲမှာ
အားနန့်မာန်နန့်ဆိုနီရေ
"ဗဟိုရ်စည်"တေးသံလား
ကျွန်းမာန်အောင်သူမကို တမ်းတနီရေ
"မေဃဝတီသို့ အလွမ်း"သံစဉ်လား ... ။
မှန်းလို့မကျ
စမ်းတဝါးဝါး ခံစားလိုက်ရစွာက
"ဖောင်ပျက်ဝါး"တေးသားတချို့ပိုင် ... ။
ခိုင်ထွီး
No comments:
Post a Comment