ချစ်နှမချေ သိစီချင်

ရက္ခိုင်နာမ
ဘွဲ့မည်လှဖို့ 

 ဒေအမောင် ရက္ခိုင်သား
ကျားကျားလျားလျား

 ယောက်ျားပီသ
ဘဝကိုရင်း
သွီးနန့်ခင်းပျာ
သားကောင်းဇာနီအဖြစ်
ခရီးနှင်လိုက်ပါမေ နှမချေ...။ 

 ဒေဝဠာတခွင်မာ
ရက္ခိုင်...
...ရက္ခိုင်...
......ရက္ခိုင်...လို့ 

 ပြည်မဏ္ဍိုင်ကြီးထူသံ
ဗဟိုစည်တီးသံအလား

 သောင်းသောင်းညံလားယောင်

 မောင်ကြီးနားမာ
မပန်ဆင်နှိုင်ခကေလေ့

 နောင်လာနောင်သားတိ

 မောင်ကြီးရို့ အော်သံ

 ပြန်ဟပ်သံအဖြစ်
ကြားခစီချင်ပါသိရေ နှမချေ...။

 ဒေအာရက္ခမြီမဟီ
မကြီလီသရွိ

 မောင်ကြီးမသီပါ နှမချေ
မငိုလီပါကေ့...
...မပူပင်လီပါကေ့...
......မဆွေးလီပါကေ့...
ကံဇာတာမကောင်း
သမိုင်းသစ်လောင်းဖို့
အနာဂတ်လမ်းကြောင်းမာ
ဘဝပြောင်းလားကေတောင်

 နှမချေကိုချစ်တေ

 မောင်ကြီးအချစ် မဟောင်းစီရပါ...။

အရုဏ်တက် ရောင်နီလာစ
ရက်ရာဇာတရက်မာ
 နှမချေကို ချစ်တေဇောနန့်
ချစ်နှမကေသာမာ ပန်ပီးဖို့
သဇင်ဖြူချေတခက်
 မောင်ကြီးလက်နန့် ဆွတ်ပနာ
 နှမချေဟိရာ အရပ်သို့
ဝိညာဉ်နန့်အသက်ဆက်
အရောက်ဆက်သလှာပါမေ
အမုန်းမဖက်တေ နှလုံး
 ဖြူစင်သန့်ယှင်းရေ အပြုံးလှနန့်
စိတ်ချလို့ရာ မျှော်နီပါလီ နှမချေ...။

ဥက္ကာမင်း