ဘဲငါးရာ အလွမ်း

ဆယ့်နှစ်လရာသီရို့
ဇာနှစ်လီပင် ပြောင်းပြောင်း...
မမိကောင်းလောက်တေ  
 ဒေဘဲငါးရာ ခရီးတကြောင်း 
 ဟောင်းလောင်းရင်မာ...
မဟောင်းနှိုင်
မနှောင်းနှိုင်
မပြောင်းနှိုင်သိကာ။

မိုးလရာသီကုန်ပြောင်း 
 ဆောင်းသဇင်အကြိုကာလ
ချမ်းအီးဝင်စ တန်းဆောင်ပုန်းလ
တနှစ်တခါကျင်းပ ဒေပွဲရက်မာ
မိဖ ဆရာ ဆွီမျိုးအပေါင်းသင်းစုံလင် 
 ပျော်ရွှင်ကြည်နူး ဘုရားဖူးလားယင်း
လိပ်ဥတူးလူတူး သုတခူးသူခူးလို့
ဇာတ်ဆိုင်းသံ တဒုန်းဒုန်းကြားမာ
လီပြီချေက တမြူးမြူးထ 
 နှင်းငွိမြူချေက တဖြူးဖြူးကျ
အလှတရားအပေါင်းရို့နန့်
ဆီးပေါင်းစပ်ကတ်စွာက 
 ဒေလပြည့်ညည့်ရာမလား။ 

 ဒေရာသီ ဒေနိဒေရက် 
 ဒေညည့်ကို ရောက်လီတိုင်း 
 တောင်ကလပ်ဧ့ ထူးခြားဆွဲအားကြောင့်လား
ဘဲငါးရာဆီးစွမ်းက ပိုထက်လို့ရာလား
"ပုဏ္ဏားနွားရောင်း လတပေါင်းရောက်ကေ
ဗုဒ္ဓကိုယ်ပွား မဟာမုနိဘုရားမာ
ကတိသစ္စာတည် တောင်းဆုပြုကတ်မေ" ဆိုရေ 
 နှုတ်ချိုဖျားက စကားသံချေကို
တမ်းတသက်သက်
အလွမ်းရက်ဆက်ဖို့အတွက်
အလွမ်းဘွဲ့လက်ဆောင် ဆက်သခံရစွာရာမလား။

မိုးထအရုဏ်တက် တောင်ထိပ်ထက်က
ကျီးငှက်သာလိကာသံရို့ တမြိုင်မြိုင်
ငွီနှင်းမြူချေရို့ ပြိုင်ပနာဆိုင်း
မိုးရိပ်မိုးသား အထပ်ထပ်ဝိုင်း
ခိုင်းနှိုင်းစရာယှားရေ ရွိလျားမှုချေတိကို
ရင်သတ်ရှုမဝယောင် ခံစားနီယင်း
နားထဲမာ သံမှိုစွဲရေပိုင် ကြားလိုက်ရစွာက
"ဘဲငါးရာ တောင်ထိပ်က
လူးကျပိုင်ရာ ခံစားရပါရေ" ဆိုရေ
ဂန္ထဝင်တေးသွားတစက်ပင်ဖြစ်တေ။

ခိုင်ထွီး

နဒီလေးစင်း စီးဆင်းသံ

လေးစင်းနဒီ၊ ရီကြိုင်သွယ်စီး
ကြီှးလှမေတ္တာ၊ ဖြာဝီသာစွ
အများသျှင်လူ၊ ယူငင်သုံးဖြုန်း
ပြုံးမြဲနှလုံး၊ မုန်းမငြိုငြင်
မြင်သူပီတိ၊ ဂွမ်းဆီထိယောင်
သတိရှိထား၊ ရိုးတောင်အားနန့်
မားမားကမ်းခြီ၊ သန္တာမြီက
ဝတီလေးရပ်၊ သွီးစည်းကတ်ဖို့
ရင်ဖတ်သံစဉ်၊ နုပျိုလှိုင်ထွား
မြိုင်ဆိုင်တေးသံ၊ သောသောညံလို့
ဇွဲမာန်လှိုင်းရို့ ၊ နိုးထဖို့တွက်
ငါရို့ ပြိုင်တူ၊ နိုင်ရာကူယင်း
နီပူကျာကျာ၊ ထီးမပါလေ့
ကြာကြာစီးမြဲ၊ စီးနီဆဲ။

အော်.....
ဒဏ္ဍာရီသွင်၊ ကြင်ကြင်မြည်စီး
ထီးသုဉ်းနန်းပြန်၊ ဂန္ထဝင်မြီ
ရီပြင်မက၊ ဝေဟင်မကျန်
တစချင်းထုတ်၊ ရီမုံနှုတ်ပိတ်
မှန်ဟုတ်တရား၊ အလားလားနန့်
ကြိုင်းတွားဘဝ၊ ဝဋ်ဒုက္ခခံ
ဓမ္မတာကို၊ ဇရာအိုရို့ 
ပြုံးငိုအသွင်၊ သီမင်းဂွင်မာ
အရှင်ငရဲ၊ မျက်ရည်ဝဲပျာ
ငမွဲဒဏ်ရာ၊ ရင်နာနာနန့်
ကြင်နာမွှီးပန်း၊ ပင်တိုင်းလန်းလို့
မြန်းဆန်းဝီဆာ၊ ပြည်သာယာဖို့
မျှော်ကာတွေးယင်း၊ ကြံဆယင်းပင်
စီးဆင်းနီယင့်၊ စီးနီယင့်။

ခိုင်ထွီး