-->
အိမ်ပြန်လမ်း
မဖုံလုံခရေ ဘဝခရီးလမ်းမတန်းလျှောက်မာ.....
ကိုယ်လိုချင်ခရေပညာချေတိနန့်
...အလှမ်းဝီး
ဖြစ်ချင်ခရေစိတ်ကူးအိပ်မက်ချေတိ
...လီရွင့်လားလို့
စူး၊ငြောင့်၊ခလုတ်တိ
ကြမ်းတမ်းစွာလောက်ကို
ကြောက်ကြီးသန်ဖက်ဝင်ပနာ ဖြတ်သန်းလာလတ်တေ
အပြုံးမပျက်ရင်ဖတ်မှတ်တမ်းမာ
သိမ်းဆည်းထားယင့်
ဘဝကိုရင်းလို့ ရီ၊ မြီ
ခြားမာ နွီးထွီးမှုပီးဖို့ ဆွီမျိုးဗလာ
မပြည့်ရေပညာချေနန့်
ပရံလူတိအသိုင်းဝိုင်းကြားထဲမာ
မျက်နှာငငယ်ချေနန့်
ဖေသာရှာ၊ ရုန်းကန်နီရကေလေ့
ဖူး၊ပွင့်လာဖို့
မျိုးဆက်သစ်ချေတိကို အတင့်ကြည့်နီတုန်းသိ
အစ်ကိုကြီး... အဖအရာကနီ...
စောင့်ယှောက်နီရလို့
မအားရေကြားထဲက
အိမ်ပြန်လမ်းချေတခုအတွက်
ပြည့်ဝနီရေလမင်းစန္ဒာကို
ငေးမောကြည့်ယင်း.............
တမ်းတ၊ အတွက်ခံပနာ
အိပ်မောကျလားရေခါ................
လပထဲက အဖိုးသျှင်က
မြီးချေကို ခေါ်လိုက်တေ
မြီးချေ.....ကြည့်ဇမ်.....အောက်ကိုတချက်.............
ခေတ်ကပြောင်းပြန် လူတိက
မဟုတ်၊ မမှန်ရေခါ
အားလုံးသရပေါင်းထနီကတ်ဗျာလ်ထော............
.....ယာသျှင်ကိုတောင်
မျောက်တရွီနှင်နီကတ်ဗျာလ်.....
.....မြောက်လီမြူးနန့်
ဆောင်းနှင်းသဇင်ဖူးတိ ဆောင်းခါမတွိရဗျာလ်.....
.....မျိုးချစ်ဘီလူးညီနောင်တောင်
အချင်းချင်း ကြောခိုင်းနီသိရေ.....
.....အရာ...မိဖမကောင်း
သားသမီးအဂေါင်းဆိုသံတိလေ့
ရရောင်းကြီးသတ်လို့ မကြားဖူးကြားဖူး ကြားနီရဗျာလ်ထော.....
အူး.....ကောင်းကြောက်ဖို့ကောင်းလာစွာရာမနားယှင့်
ဆိုရေအသံကို
ကြားချိန်မာပင်........................
ဗြုန်းခနဲနန့် မျက်စိထဲမာ
မှုန်ဝါးဝါး မြင်လာရေပိုင်ခံစားမိရေ
ဆောင်းနှင်းသဇင်တံချေတခက်
လီမာဝင့်နီစွာကို..........
အားရပါးရ
အားကိုးတကြီးနန့် လှမ်းဆွဲလိုက်ဖို့ဗျာလ်လို့
အားယူနီချိန်မာပင်..........
အိပ်မက်ထဲက...................
ရင်တိတဒုန်းဒုန်း...
ခုန်ပနာ... ယောင်ယမ်း လှန့်နိုးလာလို့
ရီတကျိတ်သောက်ပြီးကေ
ပြန်အိပ်ဖို့ကြိုးစားကေလေ့
ညည့်ထက်ဝက်လောက်မာ
ဆက်အိပ်မပျော်ဘဲနန့်
အိမ်ပြန်လမ်းချေတခုကို
သက်ပြင်းတိချပနာ အတွက်ခံယင်း...................
ခိုင်ထွီး
