ဝဋ်
ငါရို့ ရောရုဝ ငရဲထဲမှာခါ
မင်းရို့လင်မယား ဟားရယ်သံ
ငါရို့နားထဲကဝင် ရင်အုံက ဖောက်ထွက်လားရေ ... ။
မင်းရို့ ငါရို့ပါးက အပူအဟိန် စကေ သတ်တေခါ
အဝီစိ ငရဲကျနီရေပိုင်ယှောင်
ရွာသားကူပါ လူလှောက်ပါ
အဝေး ... ငါက ပရံလူတယောက်ရာ
ကြားသုံးကြားကို ယှောင်ရေ ... ။
လူကြီးသူမတိ ပြောစွာ ကြားဖူးရေ
ဝဋ်ဆိုစွာ -
အယင်က ဝိပါက် (၇) ရက်
အဂုဝိပါက် ထက်ပက် လတ် ... ။
ငါရို့ခေတ်မှာ ပြောင်းလှာစွာဆိုလို့
ဝဋ်ဆိုစွာ -
5G ထက် ဘားဘာလောက် လျင်ရေ
အော် ... ဝဋ် ... ဝဋ်
အံ့ပင် အံ့ယင့် ... ဝဋ် ... ။ ။
No comments:
Post a Comment