နှမ်းဖျာ
အိပ်မက်ထဲမှာ
ကျီးဖြူရွာသို့ အလည်ရောက်လားရေ
ကျီးကန်းတိ အလှပလှအာကတ်တေ
နတ်ကရာမှာ ကျီးမောမောလို့ မဟုတ်
ကျီးကန်းတိအာရာမှာ နတ်ပျင်းပျင်းလို့
ကြွီလောင်ဗွန်း နှစ်ခြမ်းကွဲလားခယာ
မာလာခွံရီမှုတ် ပေါက်လားခယာ
ဝါးလှီကား ကျိုးကျလားခယာ
ကျီးဖြူတိလေ့ လိပ်ပြာစိုင်လားခယာ ... ။
မထူးဇာတ်ခင်းရဖို့ယာလေ
နားညီးခံပနာ ရွာထဲသို့ ဝင်ကြည့်ရေ
သူရို့က ပျော်လို့ သာခြင်းဆိုနီစွာရာ လတ်
တအာအာနန့်ဆိုနီစွာကို နားကမလည်
ကျီးဖြူရွာသာခြင်းဆိုနီကတ်စွာလား မီးကြည့်ရေ
မဟုတ် ... ကျီးကန်းရွာသာခြင်းရာ လတ် ... ။
ထော!
ရွာဝင်ဝမှာ မတွိခရေ နှမ်းဖျာ
ရွာနောက်ဖက်မှာ ကန်ကမကန်
ကျီးကန်းချေတိ တအာအာ သာခြင်းဆိုယင်း
ဖျာခင်းလိုက်၊ နှမ်းဖြူးလိုက် ပျင်နီကတ်ယင့်
ကျီးကန်းတိရာမလား လူကိုမြင်စွာက မဟုတ်ဆိုပနာ
တတိန်းချေ ဆက်လို့အိပ်လိုက်တေ ... ။ ။
No comments:
Post a Comment