မြို့ပြလူသား

မြို့ပြထဲမှာ

လူတိစွာ ဘီလူးဖြစ်လားကတ်တေခါ

လောဘ၊ ဒေါသ၊ မောဟ မီးတိစွာ

မျက်တောင်မခတ်တေ အတွေးတိကြားမှာ

မြို့ပြတခုလုံးကို လောင်ကျွမ်းဝါးမျိုပစ်လိုက်တေ ... ။

မြို့ပြလူသားတိစွာ

တခါတရီ 

ကျေးလက်သဘာဝကို ချစ်ပြရေ

တခါတရီလောက်

စစ်ငွိစစ်သက်ချေတိကို‌ ယှူယှိုက်ကြည့်ပါ

ကမ္ဘာကြီးက သူ့အလိုလို လည်ပတ်နီဖို့စွာရာ ... ။

တနိတရက်မှာ

အနမ်းတိစွာ အလွမ်းဖြစ်လားကေ

လက်နက်အသစ်စက်စက်တိ အလုပ်ဖြစ်လှာကတ်ဖို့

ယင်းပိုင်မဟုတ်ပဲနန့်

အလွမ်းတိရာ အနမ်းဖြစ်လားကေ

စစ်တိစွာ အစစ် ဟုတ်ဖို့သိလားယေ ... ။

ငါလေ့ အာဂန္တုမြို့ပြလူသားတယောက်ရာ

ကမ္ဘာ့အရှည်ဆုံးတန်းထားတစင်းထက်က

နားခပ်နားမှာ ချီတုံချတုံ ဝဲပျံနီရေ

အမေရိကန် နန့် အီရန် စစ်ချီတေးတိကို နားထောင်ယင်း

မျက်စိတစုံကို တနားချေ နှိတ်ထားမေ

ပင်လယ်လီကို ပြုံးပြုံးချေ ဝယောင်ယှူထားမေ

ယေ‌ပြီးကေ

ကန္တာရမြို့ပြချေတခုကို တအောင့်ချေ နောက်ခိုင်းထားမေ ... ။ ။

10/01/2020