ဆို့နာ

၂၀၁၅ ဂျူလိုင် နန့် သြဂတ်(စ) ကြား

ဘင်္ဂလားပင်လယ်အော်ကို ကိုမန်အကူး

ခွီးရူးပြန်ပွဲသဘင် အကြိုကာလ အတိတ်နိမိတ်လား

မိစ္ဆာမိုးက မြူး .. လီက မူး .. လှိုင်းက လူး … ။

သက်ဟိ၊ သက်မဲ့၊ ဒြပ်ဟိ၊ ဒြပ်မဲ့ရို့ အားလုံးပြိုင်တူ ငို ဆို့

“သူ”က ကူညီပါရစီဆိုင်းဘိုးကို စခန်းဝမှာ ဆို့လို့ … ။

အဝီးက ဖီးဒုက္ခ ကြားမြင်ရသူရို့ အပူလုံး ဆို့

“သူ”က သတင်းအမှားအော်ပနာ ဝမ်းသာလုံး ဆို့လို့ … ။

အချင်းဆက်သူရို့ ကမ်းလက်ကူကတ်လို့ အညောင်း ဆို့

“သူ”က အစိမ်းရောင်နှလုံးသားနန့် ကမ်းနားလီ ဆို့လို့ … ။

ဒေဝဒတ်ကို ဘုရားမှတ်တေ အမှောင်ကလူ ရင်ဆူလို့ ဆို့

“သူ”က မြင်သရွိကို ခြစ်ပနာ အမြစ်မကျန် ဆို့လို့ … ။

ဆို့ထား … ဆို့ထား …

မသထာရေ လူ့သြဇာတိကို ဆို့နှိုင်သရွိ ဆို့ထား
ကမ္ဘာပျက်လို့ မွီးစပ်သားကို ပစ်ထားစွာ အဆန်းမဟုတ် ... ။

တောက်!

ငါရို့က အဖမဟိသား ရီခန်းငါးရာ
ပင်လယ်ရီပြင်နန့် ရင်ဘောင်တန်းခံရရေ ငမွဲသား
“သူ့”ကို ခါးသီးရင့်ရောင် ထင်းထင်းချယ်စွာ အဆန်းလားယေ
နောက်တဖန် သံသရာရွာမှာ မကြုံပါစီကေ့ လို့ … ။

ခိုင်ထွီး