ဆန်ထဲက သွီးတစက်
သြဂတ်(စ)ဆယ့်သုံး
အယှုံးနက္ခတ်မှာ မွီးဖွားသူရို့
ရက္ခိတနှလုံးသားမြို့တော်တခု
အစုလိုက် အပုံလိုက် သတ်ဖြတ်ခံ
သွီးကြွီးထပ်တင်ကျန်ခရေ နိတနိ … ။
သြဂတ်(စ)ဆယ့်သုံး
ယင်းနိမှာလေ အပြုံးပန်းတိရှာမရ
စားသုံးဖို့ ဆန်ဗလာနတ္ထိ
ငါ့ဝမ်းပူဆာ မနီသာရေခါ
ရှက်စိတ်ချေနန့် ပါးစိကိုက်ပနာ
“ထမင်းကျန်ပီးပါ … ထမင်းကျန်ပီးပါ”
တစာစာ ငိုတောင်းသံတိ
ဘဝဂ်ညံစီခရေ နိတနိ … ။
သြဂတ်(စ)ဆယ့်သုံး
ခွီးပတုံးကို ကျိုင်တောင့်စွပ်
မဆလ နာမည်တပ်သူရို့
ဆန်ပြဿနာကို မဖြီယှင်းလို့
“ပြုတ်ဆန်မစား ရခိုင်သား” ဆိုရေ
မဟုတ်မခံ ပြည်သူ့ဆန္ဒသံ
သနတ်သံအောက်မှာ ဖပြားဝပ်စီခ
“လူ့အခွင့်ရီး … လူ့အခွင့်ရီး” ဗန်းတပြပြ
ကမ္ဘာ့အဘိဓာန်ထဲက ဝေါဟာရ
ငါရို့ဖတ်ခွင့်မရခရေ နိတနိ … ။
သြဂတ်(စ)ဆယ့်သုံး
ဆုံးယှုံးခံဘဝတိ အသက်ဝိညာဉ်
လေးဆယ့်သျှစ်နှစ်စိလားကေတောင်
သုံးပိုင်းအပိုင်းခံ ကမ်းနားလမ်းမြို့က
သွီးစွန်းအက္ခရာတင်ကျန်ခရေ ပြဿဒါးနိ
ရခိုင်ပက္ခဒိန်ထက်မှာ မမြင်ဖူးသိ
(အမျှ … အမျှ … အမျှ)
(ကောင်းရာသုဂတိကို ရောက်ကတ်ပါလီ)
ယေကေလေ့သော့
အကျွန်ရို့ရင်ဖတ်ထဲမှာ
(ဆယ့်သုံးသြဂတ်(စ) မမိကတ်သိ)၃
… ။
ခိုင်ထွီး
