သွီးခင်းလမ်း
ရီဆန်
လီဆန်
ဒဏ်အပေါင်းရို့ကို
ဖြတ်သန်း
ဒေဟင်းရည်ဆန်း
ထမင်းတလောင်ဗွန်းစွာ
အမှောင်လမ်းထဲက
ပြဿဒါးညည့်ကြမ်းရို့
အိပ်တန်းဝင်ခြီလှမ်းတိအတွက်
အဟာရဖြည့်ပီးခြင်းရာ
... ။
စွန့်ရွှတ်ခြင်း
အနစ်နာခံခြင်းတိဆိုစွာ
ငတ်မွတ်ခြင်း
ဆာလောင်ခြင်း
ငိုကျွီးခြင်းရို့
နိဂုံး
အဆုံးသတ်
ရွတ်ဖတ်နှိုင်ဖို့
ရင်ဖတ်ထဲက
အက္ခရာတိကို
ဘဝနန့်ရင်းပနာ
စာလုံးပေါင်းခြင်းရာ
... ။
အာရက္ခလူသားရို့
အမိရိုးမမာ
ကမ္ဗည်းတင်ကျန်ခဖို့
တော်လှန်ရီးသတ်ပုံတိကို
ဝီဖန်ကတ်
ထောက်ပြကတ်
ဝိုင်းလို့လေ့
ရံကတ်
အာဇာနီသူရဲကောင်းရို့သွီး
အဖီးဖီးပီးဆပ်
လမ်းခင်းနီကတ်စွာတိရေ
မိုးလင်းဖို့အတွက်ရာဖြစ်တေ
... ။
ခိုင်ထွီး
No comments:
Post a Comment