လျှာ


အရိုးမပါဆိုတိုင်း
ဖရိုးဖရာ သဝီထိုး
အဖြူကို အမဲဆိုး
ချင်ဆီ ယမ်း ယိုး
စိတ္တဇမာယာမျိုးလား။

ပလီပလာ ဂဏာမငြိမ်
တဏှာရည်စိမ်စိတ်နန့်
ကမ္ဘာမြီက ရုပ်နာမ်အပေါင်းကို
 နွှဲ့၊ ဖျောင်း၊ ပျာ ပနာ
အရသာခံချင်သိလား။

တရားနန့်ရာ ရှုကေ
လာသရွိကို မျိုစား
သနားခါမှ အရိုးချန်
သုဿာန်တစပြင်က
ဖျာဆိုးမျှင်လောက်ရာ။

ခိုင်ထွီး

ဒဏ်ရာနန့် ဝံလက်

ဒုက္ခအာနိသင်ကို သုခမှတ်
သင်္ဂါရရသ ငတ်မွတ်လို့
သွီးသားရို့ဆာလောင်
လောကီသားကောင်ပီပီ
နှလုံးသားကို ဗဟိုပြု
လောကဓံကို အန်တုလို့ခံ
ပကာသနလီဆန်ကို ထိုးပျံဖို့
တောင်ဖံခတ်သံ မသာယာခါ
အခါခါ မြားဒဏ်ရာရစွာ
အဆန်းကား မဟုတ်ယာ ... ။

လောဘသားကောင်ပီပီ
တရားကိုတောင် မောဟနန့် ဖုံး
မဆုံးသိရေ ကန္တာရဝေဟင်လမ်းက
နာခါနာ ကြင်ခါကြင် ဘဝမှာ
သံဃာယနာ အရာသုံးခါတင်တင်
အယှုံးမပီးရေ ဒုက္ခိတအနာအတွက်
နှလုံးမအီးရေ ကုထုံးတိတွိသရွိ
သွီးတန်းလန်းနန့် တောင်ဖံတစုံ
သပွတ်အူလိုက် ဗန်းတီထချင်ထ
ခြီစုံရပ်လို့ရဖို့ တော်ရာဌာနီသို့
သစ္စာတရားကို အခြီခံပနာ
မေတ္တာတရား ရှင်သန်နှိုင်ဖို့
အမိုးအကာ ဗလာနတ္ထိ
ဇရပ်အိုက အယပ်ပြို ဖြစ်လီပတ်စီ
ဇီဝကို သီမင်းမကောက်ချင်လို့
အနိစ္စ မဖောက်သိကေ
ရောက်ချင်ရာရောက် ပျံသန်းနီမေ ... ။

ခိုင်ထွီး