သူရို့

ရက္ခိုင်မဏ္ဍိုင်
မယိမ်းယိုင်ယောင်
နိုင်ရာထမ်းဆောင်
ရွှီကလောင်ရို့။

ကိုယ်ထူကိုယ်ထ
ခါးဝမ်းမလှ
လဲကျတခါ
ပြန်ဆယ်ခါထ
လူအာဂရို့။

ပွန်းပဲ့ခန္ဓာ
အာဟာရဓာတ်
ငတ်မွတ်ခေါင်းပါး
နားမျက်စိကန်း
နွမ်းကြီရုပ်နာမ်
ပြန်ရှင်သန်ဖို့
နို့ချိုရသ
ကဗျာသုတ
စစုံလလင်
ကြင်နာနှလုံး
ပြုံးပြသူရို့။

ခိုင်ထွီး

သာစွလေ

သဇင်ပန်းခိုင်၊  တမြိုင်မြိုင်လို့
ရခိုင်ဘုရား၊  ကိုးကွယ်ထားရာ
တိုင်းခြားရိုးမ၊  လခြမ်းအထက်
ရက္ခဝဏ္ဏ၊  ဥယျာဉ်လှတွင်
ဖူးစပွင့်လှာ၊  စာမျက်နှာသစ်
ဖတ်စာရခိုင်၊  ရွှီမဏ္ဍိုင်ကား
နောင်းခိုင်ရှားကား၊  မလျှော့အားမာန်
ဖိပြားမခံ၊ ဇာတ်မှန်လှန်ပြ
ဖိုးတန်သမိုင်း၊  ပုံခိုင်းနှိုင်းက
ယိမ်းကိုင်းကဟန်၊  နန်းသူပန်ထိုက်
မြင့်စံတော်ဝင်၊  ဂေါ်သဇင်ပိုင်
အဆင်ကောင်းခြင်း၊  အရောင်ထင်းထင်း
ကြိုင်သင်းရနံ့၊  ယှူသူအံ့ပျာ
ပြန့်နှံ့ပီတိ၊  ဂွမ်းဆီထိယောင်
မြင်မိတိုင်းလန်း၊  ဘဝင်မြန်းချိန်
နီဝန်းအကူး၊  အရုဏ်ဦးကို
အထူးမျှော်မှန်း၊  လက်တူလှမ်းကေ
စာပန်းခင်းမာ၊  ဖူးပွင့်သာမေ
သာယာစွလေ၊  သာစွလေ။

ဥက္ကာမင်း

"ရန်ငါ" လုပ်ကြည့်

ထော... ထိုမာ တယောက်
ဟောက်ချီ မောက်ချီ
အပြောအဆို အရီးအသား
လက်ဆုပ်ကိုင်ပြဖို့ ရှာမရ
အော့(ခ)ဆိဂျန်အငွိအသက်တိပိုင်ယာ
ပါးစမာ ဂလိုဘ(လ)လုတ်ပြတ်နန့်
ထိုယောင်ယောင် ဒေယောင်ယောင်
ဆတ်ရိုးကျချောင်းတရိုးမာ
လက်ညှိုးတကောက်ကောက်နန့်
ကတိုးခကောက်နီရေလူပိုင်ကာ...။

အမျိုးသားရီး
ငါရာသိရေ ငါရာတတ်တေ...။

နိုင်ငံရီး
ငါရာသိရေ ငါရာတတ်တေ...။

လက်နက်ကိုင်တော်လှန်ရီး
ငါရာသိရေ ငါရာတတ်တေ...။

စာပီ(စတုတ္ထမဏ္ဍိုင်)တော်လှန်ရီး
ငါရာသိရေ ငါရာတတ်တေ...။

အရာရာတိုင်းမာ ငါသိ ငါတတ်
ပန်းထိမ်ခွတ်ဖို့မတတ်ခင်
ရွှီတမတ်ခိုးရေပိုင်ဖြစ်နီယာ...။

နီရာတကာမာ ဖလာဖလာ
ဆရာလုပ်ချင်ရေအထာနန့်
ပညာသျှင်တိကိုတောင် သကာမြင်ရေလူ...။

ကျွန်းဇမ္ဗူမာ ညလင်တင်ကေ
သတ္တိအကောင်းဆုံးဆု ငင်ယူဖို့ပုံစံမျိုး
ဇာမဟုတ်တေ အရိပ်အရောင်မြင်တိုင်း
လိပ်စိတ်ကူးနန့် ခွီးရူးဟောင်ပိုင်ယှောင်
လူတကာကို ဂျောင်မာထိုး မဟာရလူမျိုး
ငါနန့်မတူ ငါ့နောက်မလိုက်သူ
ငါ့ရန်သူလုပ်လို့ယက်လို့ညောင်းကေ
တခါတရီ "ရန်ငါ" လုပ်ကြည့်ပလင်...။

ခိုင်ထွီး