က်ိန္စာသင့္သူ

ေမတၱာတရား ဆိတ္သုဥ္းေခါင္းပါး

အမုန္းတရား ဒရေဟာစီးက်နီေရ

ေဒဘဒၵ ကမၻာၿမီႀကီးဧ့ တနီရာမာ

ငါဆိုေရ သမိုင္းတရားခံ အတၱတေခ်ာင္း

အမွန္နန္႔ အမွားကို ေျပာင္းျပန္လွန္

အႀကံ ေသာင္းေျပာင္းႀကီးသတ္ပနာ

လမ္းေကာင္းက ခရီးေမာင္းႏိႈင္ဖို႔

နာလန္မထူႏိႈင္ေရ သတၱဝါရို ႔ကို တက္နင္း

ကမၻာ့အျပင္ဖက္ နီရာတခ်ဳိ ႔ကို ရည္စူး

အာကာလီစားယင္း ယစ္မူးေအာ္ဟစ္

တဏွာရူးတိ ႀကိဳက္ေတပုံစံမ်ဳိးနန္႔ ပဲမ်ား

ဝမ္းကားရားနန္႔ ေဂ်ာင္တကာမာ လမ္းသလား

မသားနားေရ ကုလားဇီးၿခဳံမာ ထဘီၿငိလို႔

ေက်းဇူးသွ်င္တိကို ျမင္ယင့္သားနန္႔ ခလုံးသတ္

ခ်ခေရာ္ျပန္ပနာ ဖျပားဝပ္လို႔ ပြဲျပတ္လားခါမွ

ဘုရားအလီလီတ ယူက်ဳံးမရ အျဖစ္ဆိုးနန္႔

မွားေၾကာင္းကို အယူခံလာေကေတာင္

ဒိတ္ေအာက္လားခေရ ဆီးတိဝါးတိပိုင္

အာနိသင္ေပ်ာက္ ခရီးမေရာက္ႏိႈင္ဗ်ာလ္

ေဖ်ာက္လို႔မရေရ အာဏာရူး အတၱက သူ႔ကို

က်ိန္စာသင့္သူ တေယာက္ျဖစ္ဖို႔ အတြက္

ပါးစသရမ္းထ ကမၻာျပတ္ကသိေအာင္ ဗန္းျပ

သူ႔သမိုင္းက သူ႔ကို အကန္႔သတ္မဟိ ဒဏ္ခတ္

အဆုံးသတ္မာ တြင္းမရေရ ခဲဝါပိုင္ ပ်င္မနီေက့

ကိုယ့္ရီးခေရ ကိုယ့္သမိုင္းနန္႔ လာလမ္းအတိုင္း

ကိုယ့္လမ္းကို ကိုယ္ေလွ်ာက္လီဖိ..................။

ခိုင္ထြီး

လက္တို႔ခယင့္

ဖူးပြင့္လာခါစ

သဇင္ပ်ဳိတခက္

ဝင့္ၾကြားခ်ိန္မရ

မိစၦာလက္ခ်က္

ၿမီခႀကြီက်

ေမလ ႏွစ္ဆယ့္သွ်စ္

ႏွစ္ေထာင့္ဆယ့္ႏွစ္

မ်ဳိးခ်စ္သူအေပါင္း

ျပည္ကိုမပစ္

မ်ဳိးခ်စ္ကတ္ဖို႔

ခြီးကိုက္ခံဘဝ

ပ်ဳိျဖဴျဖစ္ခရေလ့

ငိုယိုစြာမႀကိဳက္

ႏွင္ထုတ္လိုက္ဖို႔

လက္တို႔ခယင့္.....။

ခိုင္ထြီး

-->

ပင္လီပင္စြပ္ရို ႔ဘဝ

အရွိက ေရာင္နီလာစ

မိုးေသာက္ဖက္ထ

ေျမာက္က စုန္လီ.....

ညဇာဖက္ထ

ေနာက္ကလီ ရမ္းေပါက္္.....

နိခင္းဖက္ထ

ေတာင္လီသသြတ္.....

ေသာင္ကမ္းစပ္မာ

ပင္လီပင္စြပ္ရို ႔အေပ်ာ္ထူး

နီဝင္ဒရူး ညဇာဖက္မာ

မိုးျမဴးလာေရခါ

အေနာက္ေျမာက္က

ကတၱရံလီေဖာက္

အရွိေတာင္ရပ္က

ဆင္ေခါင္းလီထ

လမိုက္တညည့္မာ

မိုးနန္႔လီနန္႔ လိုက္ပနာ

ႀကိဳးပစ္လိုက္စြာ

ၿပီးေပါက္မရလိုက္

စမ္းဖီယမ္းဖမ္းခ်

သရူးနရူးထလို႔

လုံေရနီရာတိမာရာ

ေအာင္းနီကတ္ရဗ်ာလ္ကာ.....။ 

ခိုင္ထြီး

ယမ္းကုမ

ေစတနာ အရင္းခံ

ေမတၱာမိုးမမွန္

ေလာကဓံ လႈိင္းၾကားမာ

ခံႏိႈင္စြမ္းရည္

က်ဆင္းလားခဗ်ာလ္ေဒ။

ဆယ္ကမၻာမက

အားတင္းခစိတ္ေခ်

တစတစနန္႔

ရြင့္စိုင္လားခလီယင့္။

ေဝဒနာမဲ့ကေလ

မင္းစမ္းသပ္ခ်က္ေၾကာင့္

အသဲလႊာပါးပနာ

စာနာစိတ္နည္းေရ

ယမ္းကုမအနား

တိုးမလာဝ့ံဗ်ာလ္ေဒ။

ေဒတခါ.....

အမုန္းတရား စခန္းမာ

ပြဲမၾကမ္းခ်င္ဗ်ာလ္

ေတာ္ပါဗ်ာလ္

ႏွလုံးသားလမ္းက

ယမ္းကုမရာမလား။ ။ ။

ခိုင္ထြီး

အရိပ္စစ္

သဘာဝ အလွတရားရို ႔

ေခတ္နန္႔အညီ နင္လား ငါလား

ပ်က္သုဥ္းနီေရအခိုက္အတန္႔

ညွဳိးေျခာက္ေတာင္တန္းတိဖက္မာ

ႏြီ၊ မိုး၊ ေဆာင္းဒဏ္ ေတာင့္ခံႏိုင္ဖို႔

သစ္ပင္ပ်ဳိေခ်တိ စိုက္ပ်ဳိးနီသိေရ

အရိပ္ခို ဇိမ္လိုခ်င္လို႔ေတာ့မဟုတ္ေယ

ေနာင္လာေနာင္သား ေမာင္ႏွမမ်ား

စိမ္းျမအားသွ်င္ သစ္ပင္ေျဂာက္မာ

ျမင္တြိခခ်င္စြာ သတ္သတ္ရာ

ေအာ္.....ယင္းပိုင္ဆိုေကေလ့

ေတာင့္တခ်င္စြာ တခုေတာ့ဟိသိေရ

အီးျမျခင္းတိလႊမ္းခေရ အတိတ္ေဟာင္း

ရႊီထီးေဆာင္း နန္းရိပ္ေကာင္းတိ

တတိတ္ဆာလို႔ ေပ်ာက္လားခေကေလ့

အႏိႈင္းမဲ့ အခ်စ္ဘုရင္

အမိရင္ခြင္ရိပ္အစစ္မာ

ဇာနိ ဇာခါ ျပန္နီရဖို႔ေလးလို႔

တမ္းတ................

လြမ္းရ.......................

မြန္းမဝ.......................ယင္းပင္

သီက်လားဖို႔လားဂု...........ဟူးးးးး...........။

ခိုင္ထြီး

(ဧး)ကတ်ပါဖို့လား၊ (အေး)ကတ်ပါဖို့လား

               ရခိုင်နာမည်(အေး)နန့်ပတ်သတ်ပြီးကေ စကေတပွေချေလောက် တင်ပြချင်ပါရေ။ မတင်ပြခင်မှာ သ‌ဖောထားကွဲ အမြင်လွဲစွာချေတိဟိခပါကေ ထောက်ပြပီးကတ်ပါလို့ ရိုးသားစွာတောင်းခံချင်ပါယင့်။ ရခိုင်တိ ကိုယ့်ရီ၊ ကိုယ့်လီ၊ ကိုယ့်မြီ၊ ကိုယ့်လူမျိုးကိုစောင့်ထိန်းဖို့တွက် တော်လှန်ကတ်စွာမှာ နည်းလမ်းတိရေ ထပ်တူမကျနှိုင်ပါ။ ကိုယ်နိုင်ရေဆီ နိုင်ရေဖက်က တော်လှန်စွာလေ့ အင်အားတခုပါ။ စာပီတော်လှန်ရီးကဏ္ဍနန့် ဆက်နွယ်နီရေ ရခိုင်နာမည်တိထဲက (အေး)အသုံအနှုန်းကို ထုတ်နှုတ် သုံးသပ်တင်ပြပါမေ။ 

              ရခိုင်မိဖတိပါးက မွီးဖွားရေ သားသမီးအများစုကို ရခိုင်နာမည်ဆန်အောင် ရက်သားတိနန့်ကိုက်ပနာ ထားပီးလိဟိကတ်ပါရေ။ ဥပမာ- တလင်္ဂုနီသားသမီးဆိုပါကေ ထွန်းအောင်ရွှီ၊ သာ(ဧ)မောင်၊ လှဦးဖြူ အစဟိရေနာမည်တိကို အရာလေ့အများကြီး တွိဟိနှိုင်ပါရေ။ ဒေဂုကျခါ တလင်္ဂုနီ သား၊ သမီးတိနာမည်တချို့ မှာ (အေး)ဆိုရေအသုံးကို သာလို့တွိလှာရပါရေ။ ဥပမာ- မောင်အေးချေ၊ ဦးအေးသန်း၊ လှအေးယဉ် အစဟိရေနာမည်တိကိုကြည့်လို့ သိဟိနှိုင်ပါရေ။ ယေခါ (အေး)ဆိုစွာ ရခိုင်အသုံးလား၊ ဗမာအသုံးလားဆိုစွာကို ထည့်တွက်ဖို့ လိုလှာပါရေ။ (အေး)ကို ရခိုင်ပိုင်ကျခါ (အီး)ရာဖြစ်ပါရေ။ စာရီးဆရာ ခိုင်မင်းဇံ(ရခိုင်ပြည်)မှာ သမီးချေကို "အီးငြိမ်းဇံ" လို့ နာမည်အလှပလှချေတလုံး ပီးထားရေ မြင်ပါယင့်။ အရာ (အေး)ကို "ဟုတ်ကြောင်း၊ မှန်ကြောင်း၊ သဖောထားတူကြောင်းကို ဖော်ပြစွာတိမှာသုံးရေ ဝန်ခံစကားလုံး" လို့ ရခိုင်ဝေါဟာရ အဘိဓာန်ကျမ်းမှာ ဖော်ပြပါရေ။ ယေကေ (အေး)မဟိလားဆိုပြီးကေ စောဒကတက်လှာနှိုင်ပါရေ။ အယင်ခေါက်က (အေး)တက်စား (ဧ)သုံးခစွာကို သာ(ဧ)မောင်ဆိုရေနာမည်ကိုကြည့်လို့ သိနှိုင်ပါရေ။ နောက်တခုက အနောက်ဘင်္ဂလား၊ ဘိုမင်းထောင်၊ ဖလံထောင်၊ ထရိပူရ အစဟိရေဒေသတိက ရခိုင်တိရေ တေးခြင်း၊ သာခြင်းဆိုစွာကို (ဧ)ဆိုရေလို့ အဂုထိပြောဆိုနီကတ်တုန်းသိလို့ မှတ်သားဖူးပါရေ။ ပြီးကေ နောက်တခုက စစ်တွေမှာ (ဧ)စေတီတိဟိပါရေ။ ယင်း(ဧ)စေတီတိကို မြို့ဧ့ ဖီးအန္တရာယ်တိကင်းဝီးပနာ သာယာ၊ အီးချမ်းဖို့တွက် အယင့်အယင်ကပင် တည်ထားကိုးကွယ်ခကတ်တေလို့ ကြားဖူးပါရေ။ ဒေအချက်နှစ်ချက်ကိုကြည့်လို့ပင် (ဧ) = အီးချမ်းသာယာခြင်း၊ နားဝင်ချိုသာခြင်းဆိုရေ အဓိပ္ပာယ်ရပါရေ။ အရာ (ဧး)ကို "ဧး အသံနန့်ချီပနာ ဧး အသံနန့်ချလို့ သီဆိုရရေ ကဗျာသာခြင်း" လို့ ရခိုင်ဝေါဟာရ အဘိဓာန်ကျမ်းမှာ ဖော်ပြထားပါရေ။ ယင်းတွက်နန့် (အေး) တက်စား (ဧး/ဧ) ကိုသုံးကတ်ဖို့ဆိုပါကေ ရခိုင်ဆန်ပြီးကေ သာလို့ကြက်သရေဟိလားပါဖို့။ 

                နောက်အတုယူဖို့ကောင်းရေ အရာတခုက သမိုင်းပါမောက္ခ ဒေါက်တာအေးကျော်ကလေ့ သူမကွယ်လွန်ခင် (အေး)ကျော် တက်စား (ဧ)ကျော် လို့သုံးဖို့ တပည့်၊ သားသမီးတိကို မှာထားခရေလို့ ကြားသိရပါရေ။ စာရီးဆရာ ခိုင်လင်း(မေဃဝတီ)က ဆရာကြီးဧ့မှတ်ပုံတင်မှာ "ဧကျော်" ဖြစ်ကြောင်း သူကိုယ်တိုင် မြင်ဖူးကြောင်း ပြောပါရေ။ (ဧ) နန့် (ဧး)ကိုလေ့ စကေ ယှင်းပြချင်ပါရေ။ အယင်ကလူတိက (ဧ)ကို (အေး)ဆိုပနာ ပြောကတ်တေပိုင် ဧဂုထိလေ့ ပြောကတ်ပါသိရေ။ ဥပမာ - (ဧ)စေတီကို (အေး)စေတီလို့ရာ ခေါ်ကတ်ပါရေ။ အမှန်က (ဧ) = အေ၊ (ဧး) = အေး ဖြစ်တေအတွက်နန့် (အေး)တက်စား (ဧး)ကိုသုံးကေ ပိုလို့သင့်တော်ပါဖို့လို့ သုံးသပ်မိပါရေ။ ဇာတွက်လေးဆိုပါကေ (ဧ) နန့် (ဧး)က အဓိပ္ပာယ် တတူဖြစ်ပါရေ။ ဧယာဉ်ကျူး၊ ဧခြင်းတိကိုသုံးကတ်တေပိုင် ဧးယာဉ်ကျူး၊ ဧးခြင်းတိရို့ ကိုလေ့ သုံးကတ်ပါရေ။ (ဧး)ကို မသုံးလို့မဖြစ် သုံးကိုသုံးရဖို့လို့ မပြောလိုပါ။ ဒေစာမူရေ အကျွန်သိမှတ်သလောက်ချေကို လိလာတင်ပြထားခြင်းရာဖြစ်ပါရေ။ 

သာစွလေ

ခိုင်ထွီး