-->

အရောက်လာလတ်ပါမေ.....အမင်

အနန္တဂိုဏ်းဝင်အမင်

အချစ်ကရုဏာအသျှင်

ဇိသျှင်အခါတစ်ရာတင်

ကျေးဇူးဝဠာကြီအာင်ဆပ်လို့ပင်

ကျီလီဖို့မထင်ပါ.....အမင်။

ထာဝရအလင်းရောင်သခင်

အပြုံးတချက်ချေမမြင်

လပြည့်ညည့်ကိုပင်

လမိုက်နီရေအထင်နန့်

သုခအပြင်တနီရာက

သောကမွိရာထက်မာ

မောဟစိတ်မွန်းကျပ်ပနာ

လွမ်းလို့ကမ၀ပါ.....အမင်။

ဇာနီရာရောက်ပနာ

ဇာလောက်ပင်ပန်းလို့

ဇာလီပင်ထထ

တစိတပွေချေပင်

အီးမြရေမထင်လေ့

မသီချာရေဆန္ဒချေတိ

ရွင့်မျိုးနီရေစိတ်ကူးအာကာမာ

အမင့်မျက်နှာချေကိုရာမြင်

အားဆီးအမှန်ပါ.....အမင်။

ဝီးလားခရဗျာလ်အမင်

တသက်လုံးမခွဲခွာချင်

ထားပစ်ခရကေလေ့

အသိစိတ်ထဲမာအမင်

အမင့်ရင်ခွင်အပြင်

အားတင်းခရီးဆက်ယင်းပင်

မအားရေခြီလှမ်းချေတိ

တလှမ်းချင်းစီလျှောက်လှမ်းပနာ

အမင့်မေတ္တာရိပ်အောက်ကို

မရောက်ရောက်အောင်

တခေါက်လောက်တော့ခါ

အရောက်လာလတ်ပါမေ.....အမင်။

ခိုင်ထွီး