ကုတင်နံပါတ် (၈)
သတ္တဝါရို့မျိုးရိုးဗီဇအရ
မိရိုးဖလာကို ခင်တွယ်ရေ
ကိုယ့်အသွီးအသားကို မြတ်နိုးရေ
ကိုယ့်ကိုကိုယ် ချစ်တေ … ။
မအိုဆီးအဆိုအမိန့်အရ
အိမ်အိုကေ ထောက်ခံ
လူအိုကေ သောက်ခံ ဆိုယင့်
ဒေသီအိုရီကို ချိုးဖောက်ပနာ
ကုတင်နံပါတ် (၈) သို့ ရောက်လားရေ ... ။
ချင်ခြင်းတရားတိကို
ကဗျာဖွဲ့လို့ ကုန်ဖို့မဟုတ်
ချစ်ခြင်းတရားတိစွာ
လူမသိသူမသိ ကြင်ရုံရာ ... ။
အပြင်မှာ -
အသိုင်းနန့် အဝိုင်းနန့် ရွာရေမိုး
ရင်မှာ -
လုံးချင်းတည်း တိတ်တခိုး ရွာရေမိုး
ဇာဝေဒနာမိုးက ပိုပြင်းဖို့လေးယေ … ။ ။
