ပုန္ဒြာ
ပုန္ဒြာ ... ပုန္ဒြာ ...
ကိုယ့်ရွာအနောက်ဖက်
ထိုး ... ရွာနှစ်ရွာစပ်ကြားမှာ
အယင့်အယင်ကပင်
အပြောင်းအပြန် အသင့်အဆန် စီးဆင်း
မြစ်တစင်းအဖြစ် ရှင်သန်ဖူးလီယင့် ... ။
ယင်းမြစ်နဒီကို အစွဲပြုလို့်
'ပုန္ဒြာ ... ပုန္ဒြာ' ရွတ်ယင်း ခေါ်ယင်း
ရွာတပ်မွီးရပ်မြီက
မိုးကျနတ်မိမယ်တပါး
ကန္တာရနွီခေါင်ခေါင်သဲသောင်ပြင်မှာ
ပုန္ဒြာနာမည်နန့်
စမ်းတပွင့်အဖြစ် ရွာသွန်းရေ
ပန်းတပွင့်အဖြစ် အားယူ ဖူး မုံ ရေ
သမုဒယကမ္ဘာချေတခု ပွင့်အာပါလတ်တေ ... ။ ။
