ရခိုင့်အာဂ အသျှင်ဥတ္တမ

လမြတ်ပြာသို၊ ဆောင်းရိပ်ခိုမြန်း

သားကိုမက်မြင်၊ ကြယ်ကြီးရွှင်လန်း ..

မိရင်မှာစမ်း၊ ဖခင်ဝမ်းသာ

နီဝန်းဖြာလှ၊ အာရက္ခမှာ ..

ဟန်စွချိန်ခါ၊ ပီတိဖြာကေ

သာယာအီးလေ သာစွလေ ... ။

အတတ်ရှာသို၊ ပညာချိုမြိန်

ကိုလိုနီအောက်၊ ဖပြားမှောက်ချိန် ..

မကြောက်တရား၊ ဇွဲမာန်အားချီ

ဟောကြားမထီ၊ ဖမ်းခလီလီ ..

သျှင်နီဝန်းမှာ၊ အလင်းဖြာကေ

သာယာအီးလေ သာစွလေ ... ။

ထရပ်ပျာဆို၊ မျက်ဝန်းစိုဖွင့်

နားကိုစွင့်စမ်၊ ဇာနီသံနှင့် ..

တော်လှန်လမ်းပြ၊ ပန္နက်ချရေ

ရက္ခအာဂ၊ ဥတ္တမလေ ..

အာသျှကမ္ဘာ၊ ပြောင်ညီးသာကေ

ဗျာပါဝီးလေ သာစွလေ

သာယာအီးလေ သာစွလေ ... ။ ။

ခိုင်ထွီး